Главная / Новости /Культура / ​Буряад Уласай «Аялга» ансамбль уласхоорондын мүрысөөнэй гран-прин шанда хүртэбэ

​Буряад Уласай «Аялга» ансамбль уласхоорондын мүрысөөнэй гран-прин шанда хүртэбэ

19-02-2019

Буряад Уласай Хяагта аймагай Алтай нютагай буряадай хүгжэмэй зэмсэгүүдэй «Аялга» ансамбль Санкт-Петербург хотодо үнгэргэгдэһэн уласхоорондын “Невские перспективы” гэһэн XIV фестивалиин гран-при шанда хүртэбэ. Тиихэдэ шагналгын баяр ёһололой үедэ тус бүлгэмдэ “Арадай ёһо заншал сахин хамгаалгын түлөө” гэһэн тусхай шан барюулагдаа

Соёлой хэмжээ ябуулга «Санкт-Петербург» гэһэн отельдэ тоглолтын танхимда үнгэргэгдөө. Ород гүрэнэй соёлой һалбариин түрүү мэргэжэлтэд һестивалиин жюриин гэшүүд болоһон байна. Хүүгэдэй болон залуушуулай зохёохы бэлиг талаан хүгжөөхэ «Дети XXI века» гэһэн уласхоорондын түсэлэй хэмжээндэ фестиваль эмхидхэгдээ.

Буряадаймнай бэлигтэй эдиршүүл хубиин мүрысөөндэ амжалта туйлаһан байна. “Соло” номинацида ятаг дээрэ наадаһан Аяна Жапова лауредай I шатын дипломоор шагнагдаа. Энэл номинациин арадай дуун гэһэн шэглэлдэ Номина Рампилова эрхимлээ.

Буряад Уласай соёлой яаманай мэдээсэлэй албанай гэрэл зураг


Теги: Санкт-Петербург хото уласхоорондын мүрысөөн



Наши издания