1030
Алас Дурнын федеральна тойрогой бүридэлдэ ороһонһоо хойшо Улаан-Үдын ниигэмэй хамгаалгын хүтэлбэридэ ажаһуугшадай хандаха ушар олошороо. 2019 оной февраль һарын тоо баримтануудаар, 573-900, 571-600 гэһэн утаһануудаар 3335 ажаһуугшад хандаһан байна. 2018 оной энэл хугасаатай жэшэхэдэ, 2,5 дахин олоор хүнүүд хонходоо.
Хүүгэдтэ түлэгдэдэг пособи, хүүгэдэй сэсэрлигүүдтэ ябаһан үхибүүдэй түрэлхидтэ түлбэриин зарим хубииень бусааха талаар эгээл олон асуудалнууд ороһон байна. Тиихэдэ ажаһуугшадай олоор хандаһан ушар хадаа Буряад Уласай Алас Дурнынфедеральна тойрогто оруулагдаһантай холбоотой. Тэрээнһээ гадуур, гэр байрын түлөө түлбэри, гэрнүүдэй ехэ заһабарида түлэгдэһэн мүнгэнэй тэдхэмжэ, социальна стипенди абаха талаар хэрэгтэй дансанууд болон бусад асуудалнуудаар ажаһуугшад ехэнхидээ хандаа.
Тиихэдэ ниигэмэй хамгаалгын яаманай түлөөлэгшэд Пенсионно жасын хүдэлмэрилэгшэдтэй хамта ажаһуугшадтай 45 уулзалга эмхидхэһэн байна. Бүхыдөө энэ хэмжээ ябуулгануудта 287 ажаһуугшад хабаадаа.
