1004
Хоёрдохи үдэрөө санаар урилдаанда хабаадажа байһан Алиса Жамбалова 5 модоной зайда дахинаа түрүүлжэ, алтан медальда хүртэбэ. Ородой Холбоото Уласай суглуулагдамал командын Екатерина Смирнова – 2-дохи һуури, Яна Кирпиченко 3-дахи һуури эзэлбэ.
Эхэнэрнүүдэй дунда санаар урилдаан харагшадай анхарал эхинһээнь татаа гэхэдэ алдуу болохогүй. Хоёрдохи үдэрөө мүрысэжэ байһан басагад урилдаанай эгээл һүүл багта һууринуудые хубарилаа гээд тэмдэглэлтэй.
«Бидэ гурбуулан эхинһээ ябаабди. Бэе бэеэ һэлгэжэ, суг хамта урилдаабди. Хэн нэгэмнай шүүхэ ёһотой гэжэ олйгостой байгаа, тиимэһээ урилдаанай һүүл багта би бэшэндээ орходоо шадалтай байгааб гэжэ һананаб», - гэжэ Алиса Жамбалова хөөрэбэ.
Удаадахи урилдаанда Алиса Жамбалова мартын 6-да хабаадаха.
Буряад Уласай спортын болон залуушуулай бодолгын талаар яаманай мэдээсэлэй албанай гэрэл зураг
