Ажалша гэр бʏлэ
Бʏхы наһаяа колхозой ба совхозой ажалда ʏгэһэн, дайнай, партиин ба ажалай ветеран Морохонов Галсан Цыренович, ажалай ветеран Дулма Бадмаевна Дашиева арба гаран жэлдэ Иисэнгын сомоной зʏблэлэй секретаряар хʏдэлһэн юм. Эбтэй ажалша гэр бʏлэ нютаг соогоо хʏндэтэй ажал шиидхэжэ ябаһан айлай нэгэн. Дайнай ба ажалай ветеранууд олон тоото хүндэлэлэй грамотануудаар, үнэтэ бэлэгүүдээр шагнагдаһан. Галсан Цыренович Улаан Одоной орденоор шагнагдаһан. Владимир Ильич Ленинэй түрэһөөр 100 жэлэй ойдо дашарамдуулһан медаляар шагнагдаа һэн.
Чин-вин Дмитрий Владимирович арбатайхан үхибүүн ябахаһаа ажал хэжэ дүршэһэн. Арбан үхибүүдэй аха, дүүнэрээ дахуулан, эсэгэ эхэдээ туһалжа ябахадаа, ажал хэжэ һураһан. Трактористаар хүдэлжэ ябахадань, залуу хүбүүнэй зоригой эрмэлзэл ехэтэй байхадань, Шэтын областиин Совет – партийна хүтэлбэрилэгшэдэй һургуулида эльгээгээ. Тэрээнээ дүүргэжэ, тʏрэһэн нютагтаа отделениин хʏтэлбэрилэгшээр, директорэй орлогшоор, Иисэнгын сомоной зʏблэлэй тʏрʏʏлэгшээр хʏдэлɵɵ. Мʏн баһа бэшэшье тушаалда шадамараар бэеэ харуулаа.
Агваанай гурбан басагад
Иисэнгэ нютагта Агваанай гурбан басагад ажалдаа бэрхэ, алишье талаараа зоной дунда илгарагша һэн. Дари Бодиевна колхозой ба совхозой ажалда Осор нүхэртэеэ гэр бүлɵɵрɵɵ хүдэлһэн. Лхама Бодиевна – Эхэ-Герой, наһанайнгаа нүхэр Цырен-Доржо Норбоевичтой гүрэн түрэдɵɵ хүндэтэй үхибүүдые хүл дээрэнь гаргаһан. Ехэ хүбүүниинь - арадай уран зохёолшо Сергей Цырендоржиев, бага хүбүүниинь - Солбон бүхы наһаараа барилга хэһэн. Эдэ хоёрой хоорондо багшанар, партийна хүтэлбэрилэгшэд олон. Тэдэнэй нэгэн Наталья Сультимова - ирагуу дуулагша, Буряадай радиогой «Баян тала» гэһэн хүгжэмтэ дамжуулгын редактор ябаһан юм. Агваанай гурбадахи басаган Мэдэг Бодиевна - нютагай хүндэтэй түрүүшын багшанарай нэгэн, ажалай ветеран, нютагай социальна хүгжэлтэдэ яһалашье ехэ нүлɵɵ үзүүлһэн.
Бальжит Сультимова
Дайнай хүндэ жэлнүүдтэ хамтын ажалда хам оролсожо, үетэн нүхэдтэеэ дайнай үеын үхибүүд эртэхэн ажалай амта таниһан. Ямаршье ажалда Бальжит Норбоевна үнэн сэхээр хүдэлжэ, Иисэнгын колхоздо ба совхоздо нилээд ехэ хүгжэлтэдэнь нүлɵɵ үзүүлһэн. Залуу колхозой хүдэлмэришэн Илалтын үдэрэй ерэхэдэ, дайнай ʏедэ габьяа гаргажа хүдэлһэнэйнгөө түлɵɵ медальда хүртɵɵ. Нютагтаа хʏндэтэй Норбоевна эртэхэн алтан дэлхэйтэй хахасаа бэлэй. Наһанайнгаа амаралтада гарабашье, хамтын ажал орхёогүй ябаһаниинь, залуу халаанда үльгэр жэшээ болоһон юм.
Дайшалхы ба ажалай орденуудай кавалер
Иван Ефимович Пермяков 1922 ондо Михайловка тосхондо түрэһэн. Агууехэ дайнай эхилхэдэ, һүүлээрнь Японтой дайлалдаанай эхилхэдэ, старшина Пермяков олон тоото байлдаануудта хабаадаһан. Баатаршалга гаргажа, дайсанаа даралсаһан Иван Пермяков Улаан Одоной орденоор ба медальнуудаар шагнагдаһан. Дайнай һүүлэй колхозой, совхозой ажалда хам оролсоо, агта хүлэгэй жолоошоноор, МТМ ба гаражые даагшаар, ажалай аюулгүйе сахигшаар хүдэлɵɵ. Ургажа ябаһан залуушуулай дунда патриотическа ажал хэһэн. Ажалдаа габьяа гаргажа хүдэлһэнэйнгөө тʏлɵɵ Ажалай Улаан Тугай орденоор шагнагдаа.
Хʏдɵɵ ажахын намай дарга
Амага Дамбаевич Дымчиков Иисэнгэдэ хоёр колхозһоо бүридэһэн Иисэнгын совхозой эмхидхэлгын ʏедэ Яруунын партиин райкомой идеологическа таһагые хүтэлбэрилжэ байһан аад, партиин райкомой бюрогой шиидхэбэреэр, намай даргаар эльгээгдэһэн байна. Совхозой захиралаар дайнай ветеран, коммунист Дугарон Семён Митыпович баталагдаа һэн. Тиихэдэ холо бодолгото Дашанима Тыжеборович аймагай партиин зургааниие хүтэлбэрилжэ байгаа. Тиигээд зоноор хɵɵрэлдэжэ зүбшэһэн хойноо эдэ хоёр дайнай ветерануудта, коммунистнуудта энэ харюусалгатай ажал даалгаһан байна. Иисэнгын совхозой социально – экономическа хүгжэлтэдэ дайнай ветеран, партиин гэшүүн Амага Дамбаевич Дымчиковэй нүлɵɵ ехэхэн юм.
Зураг дээрэ: парткомой секретарь А.Д. Дымчиков, малшад Д.Б. Жамсаранова, Ч.Б. Гармажапова хоёрые «Буряад үнэн» газетын һонинтой танилсуулна.
Гэрэл зурагуудые Эдуард Будаев дурадхаба