​​Буряадай хатарай колледжын оюутад - Большой театрай тайзан дээрэ

Москва хотодо Ородой Холбоото Уласай залуу хатаршадай дунда эмхидхэдэг «Русский балет» гэһэн мүрысөөнэй түгэсхэлэй шата Большой театрта үнгэргэгдөө.

Ородой Холбоото Уласай Соёлой яаман болон Светлана Владимировна Медведевагай хүтэлбэрилдэг Ниигэмэй-соёлой жасын эмхидхэһэн мүрысөөндэ бүхы гүрэнэй залуу хатаршад абьяас бэлигээ харуулха аргатай.

Байгша ондо дүрбэдэхиеэ эмхидхэгдэһэн мүрысөөндэ Буряадай хатарай колледжын хоёрдохи курсын оюутан Сергей Угрюмов болон гурбадахи курсын оюутан Елизавета Борулева гэгшэд «Русский балет» гэһэн мүрысөөнэй дипломантнуудай нэрэ зэргэдэ хүртэжэ, Гала-концертдэ хабаадахаяа уригдаһан байна. Сергей Угрюмов Елизавета Борулева хоёрой бэлиг Ниигэмэй-соёлой жасын хүтэлбэрилэгшэ Светалана Медведева, Николай Цискаридзе, Буряад Уласай Толгойлогшо Алексей Цыденов гэгшэд үндэрөөр сэгнэһэн байна.

Ородой Холбоото Уласай мүрысөөндэ залуу хатаршадые бэлдэһн багшанар Татьяна Михайловна Муруева, Виктор Владимирович Жилинский гэгшэдтэ Баярай бэшэгүүд барюулагдаа.

Буряад Уласай Соёлой яаманай мэдээсэлэй албанай гэрэл зураг