830
Буряад Уласай Бэшүүр аймагай Шэбэртэ нютагта ГТО тушааха талмай баригдаха, тамирай хэмжээ ябуулгада бэлэдхэлэй спортын тоног хэрэгсэлнүүдэй комплекс байгуулагдаха. Тамирай эмхи барилгада федеральна бюджетһээ 3 сая түхэриг тухай Алас Дурнын тойрогой хүгжэлтын хэмжээндэ тэдхэмжэ үзүүлэгдэхэ.
Алас Дурнын тойрогой хүгжэлтын хэмжээндэ үзүүлэгдэхэ тэдхэмжээр тамирай 13 объект баригдаха, заһабарилагдаха, һэльбэн шэнэлэгдэхэ юм. Тэрэ тоодо, Бэшүүр аймагта тамирай комплекс. ГТО тушаалгада бүхы хэрэгтэй тоног хэрэгсэл, бэлдэлгэ, һорилго гараха тренажёрнууд Шэбэртэдэ табигдаха.
Ородой Холбоото Уласай Засагай газарай Түрүүлэгшын орлогшо – Алас Дурнын федеральна тойрогто Ородой Холбоото Уласай Юрэнхылэгшын бүрин эрхэтэ түлөөлэгшэ Юрий Трутневай хүтэлбэри доро ажаллаһан комисси мартын 14-дэ Буряад уласай эдэй засагай хүгжэлтын түбүүдэй ниигэмэй түсэбүүдые дэмжэһэн байна. Энэ түсэбтэ 6 миллиард түхэригэй 73 хэмжээ ябуулга оруулагдаа гэжэ һануулнабди.
Буряад Уласай спортын болон залуушуулай бодолгын яаманай мэдээсэлэй албанай гэрэл зураг
