588
Буряад уласта анха түрүүшынхиеэ «Лимузин» үүлтэрэй мал Бэшүүр аймагай «Победа» ажахыда асаржа, шэнжэлгын, туршалгын ажал ябуулагдаха.
Франциин «Лимузин» үүлтэрэй малай мяхан хэдэн зуугаад жэлэй туршада шанар, шэнжээрээ түрүүшүүлэй тоодо ябана. Энэ үүлтэрэй мал Франциин «Лимузен» аймагта хэдэн зуугаад жэлдэ үсхэбэрилэгдэжэ, тэндэһээл иимэ нэрэтэй болонхой. 18-дахи зуун жэлэй тэн багта селекциин туршалганууд хэгдэжэ, хомор эдеэтэй газарта ажал хэхэ мал үсхэбэрилэгдэжэ эхилһэн юм. 19-дэхи зуун жэлэй түрүүшын хахадта энэ үүлтэрэй малай мяха һайн шанартай болгохо, һүнэй үүлтэр дээшэлүүлхэ талаар ажал хэгдээ. Удаань мяханайл малай үүлтэр һайжаруулха гэһэн шиидхэбэри абтаа.
Бэшүүр аймагай «Победа» ажахын хүтэлбэрилэгшэ Сергей Федотов «Лимузин» үүлтэрэй малаар һонирхожо, Тюмениин можоһоо март һарада асарһан байна. Тиихэдэ 110 толгой мал ажахыда нэмэбэ.
Буряад уласай гүрэнэй үүлтэр һайжаруулгын албанай мэргшэжэлтэд «Лимузин» үүлтэрэй мал шэнжэлхэеэ гаранхай.
Буряад Уласай хүдөө ажахын болон эдеэ хоолой яаманай мэдээсэлэй албанай гэрэл зураг
