612
Буряад уласай Засагай газарай Түүүлэгшын хүдөө ажахы хүгжөөлгын талаар орлогшо – хүдөө ажахын болон эдеэ хоолой сайд Даба-Жалсан Чирипов мүнөөдэр, апрелиин 4-дэ, Москва хотодо Ородой Холбоото Уласай Юрэнхылэгшын дэргэдэхи Гүрэнэй зүблэлэй «хүдөө ажахы» гэһэн һалбарида хабаадана.
Тус хэмжээ ябуулгын шухала асуудалнуудай нэгэн хадаа Ородой Холбоото Уласай хүдөө нютагуудай дэбисхэрэй хүгжэлтэ гэһэн гүрэнэй программын түсэлтэй танилсалга болохо юм. Энэ һалбарида хүдөө нютагуудай эдэй засаг хүгжөөлгэдэ анхарал хандуулагдаха. Тиимэһээ хүдөөдэ ажалай һууринуудые байгуулжа, аймагуудай захиргаанай мүнгэн һанда үйлэдбэринүүд татабари түлэжэ, мүнгэ оруулха болоно. Тиихэдэ хоёрдохи шухала асуудал гэхэдэ, хүдөө нютагуудта ганса мал ажахы, газар элдүүрилгэ хүгжөөхэ бэшэ, харин үйлэдбэри, болбосоруулгын талаар ажахы байгуулагдаха ёһотой. Тэрэнэй ёһоор, уларилай талаар Ород гүрэнэй али нэгэн можодо таараһан үйлэдбэринүүдые дэмжэхэ юм.
Ородой Холбоото Уласай хүдөө ажахын яаманда «Хүдөө нютагуудай дэбисхэрэй хүгжэлтэ» гэһэн гүрэнэй программын түсэл бэелүүлэгдэнхэй. Энэ түсэлтэй байгша оной мартын 12-то гүрэн түрын можо нютагууд видеоконференциин аргаар танилсаһан байна.
Буряад уласай хүдөө ажахын болон эдеэ хоолой мэдээсэлэй албанай гэрэл зураг
