512
Буряад Уласай Засагай газарай Түрүүлэгшын орлогшо Евгений Луковниковой хүтэлбэрилһэн зүблөөндэ 2019-2020 онуудай дулаасуулгын хаһада бэлэдхэл тухай хэлсэгдэһэн байна. Апрелиин 15 болотор аймагууд заһабарилгын ажалай программатайгаа танилсуулха болоно.
Байгша оной дулаагаар хангалгын хаһада дүүрээшьегүй һаань, удаададахи хаһада бэлэдхэл эхилбэ. Буряад Уласай бүхы шахуу аймагууд удаадахи дулаасуулгын хаһын эхилтэр заһабарилгын ямар ажал хэгдэхэб гэжэ элирүүлһэн байна.
Дулаасуулгын хаһада бэлэдхэлэй ажалда, коммунальна хангалгын байгууламжа һэльбэн шэнэдхэлгэ, ехэ заһабарилгада уласай бюджетһээ 150 сая түхэриг һомологдохо гэжэ хараалагданхай. Тиихэдэ Сахьяновагай гудамжаар гарадаг дулаасуулгын сорго заһабарилгада 65,4 сая, Загарай аймагай Новая Брянь тосхондо шэнэ котельни абаха хэрэгтэ 54,4 сая түхэригэй нэмэлтэ тэдхэмжэ һомологдохо.
