903
Агуу Илалтын һайндэртэ дашарамдуулан, oneworld® гэһэн авиационно альянсын хабаадагша - S7 Airlines, Эсэгэ ороноо хамгаалгын дайнай ветерануудта зорюулан, заншалта акци эмхидхэнэ.
Байгша оной майн 5-һаа 12 болотор Улаан-Үдэ-Москва-Улаан-Үдэ гэһэн замаар S7 Airlines эмхиин самолёдуудаар Эсэгэ ороноо хамгаалгын Агууехэ дайнай ветеранууд хүнгэлэлтэтэй биледүүдээр ниидэхэ аргатай. Тиихэдэ нэгэ зүг руу биледэй түлбэри 264 түхэригтэ юм.
«Агуу Илалтын һайндэртэ дашарамдуулан, S7 Airlines жэл бүри тус хэмжээ ябуулга эмхидхэдэг. Бидэшье ветерануудые амаршалха аргатай болонобди. Дайнай ветеранууд түрэл гаралтаяа, нүхэдөөрөө уулзажа, дурсадаг газарнуудтаа хүрэхэ аргатай», - S7 Airlines эмхиин юрэнхы захирал Владимир Объедков хэлэбэ.
2019 оной апрелиин 10-һаа 12 болотор хүнгэлэлтэтэй биледүүдые абажа болоно. Тиихэдээ Эсэгэ ороноо хамгаалгын Агууехэ дайнай ветеран, паспорт харуулха хэрэгтэй. Хари гүрэнүүдэй ажаһуугшад Ородой Холбоото Улас дотор ажаһуудаг гэһэн үнэмшэлгэ харуулха юм.
Тодорхой мэдээсэл абаха гэбэл, 8 800 200-000-7 (Ород гүрэн дотор түлбэригүйгөөр хонходожо болоно) гэһэн утаһаар хандажа болоно.
