1008
Жэл бүри уласай эколого-биологическа түб уласай ойн ажахын агентствэтэй хамта «Ой түймэрһөө аршалая» гэһэн акци үнгэргэдэг. Байгаали хамгаалгын хэмжээ ябуулгада һурагшад зурагууд, банннернууд, плакадуудые эльгээхэһээ гадуур ород, буряад хэлэн дээрэ түймэрэй аюул тухай һануулһан букледүүдые бэлдэһэн байна.
Ой хамгаалдаг эдиршүүл байгша оной хэмжээ ябуулгада эдэбхитэй хабаадаа. Улаан-Үдэ хотын болон уласай 16 аймагай 1200-һаа дээшэ һурагшад һонирхолтой акцида хаба шадалаа туршаһан байна. Нэрлэбэл, Улаан-Үдын «Городское школьное лесничество», Кабанск аймагай Зеленый патруль», Түнхэн аймагай «Родничок», Хурамхаан аймагай «Кедр» «Зеленый патруль», Хори аймагай «Лесовичок», Байгал шадарай аймагай «Лесной патруль, Хори аймагай «Подрост», Захаамин аймагай «Снежный барс», Ивалга аймагай «Вереск», Баргажан аймагай «Тополек», Түнхэн аймагай «Лесной патруль», Сэлэнгэ аймагай «Наш зеленый дом», Баргажан аймагай «Росток», Муя аймагай «Детско-юношеское лесничество» гэһэн команданууд болоно.
Һурагшад эдэ үдэрнүүдтэ ойн түймэрнүүдые һэргылхэ, хуули бусаар ой модо отолхые хорихо талаар ажал ябуулаа. Сэсэрлигүүдэй хүүгэдтэ зорюулагдаһан ойн түймэрһөө һэргылхэ тухай хэшээлнүүдтэ хабаадаа, өөдөө хэшээлнүүдые үнгэргөө. Түймэрһөөэ һэргылхэ тухай һануулһан саарһануудые ажаһуугшадай дунда тараажа, түймэр сарадаг техникэтэй танилсаһан байна.
«Ой түймэрһөө аршалая» гэһэн акцида хабаадагшадта үнэмшэлгэнүүд, илагшадта дипломууд болон үнэтэй бэлэгүүд барюулагдаа.
