864
Буряад Уласай Арадай Хуралай ээлжээтэ сесси мүнөөдэр, апрелин 22-то үнгэргэгдэхэ. Һунгамалнууд 41 асуудалаар зүбшэн хэлсэхэ юм. Тэрэ тоодо, Буряад Уласай Засагай газарай Түрүүлэгшын нэгэдэхи орлогшын тушаалда Игорь Зураевта болон Буряад Уласай Засагай газарай Түрүүлэгшын эдэй засагай хүгжэлтын талаар орлогшын тушаалда Алексей Мишениндэ зүбшөөл үгэхэ тухай.
Тиихэдэ Буряад Уласай Олониитын танхимда Арадай Хуралай түлөөлэгшэдые һунгаха, уласай болон эмнэлгын уялгата даадхалай жасын бюджетдэ хубилалтануудые һунгамалнууд оруулха юм. Улаан-Үдэ тойруулан ой модоной парк байгуулха, «дайнай үхибүүд» гэһэн нэрэ зэргэтэй хүнүүдтэ үзүүлэгдэдэг тэдхэмжын хэмжээ дээшэлүүлхэ тухай зүбшэхэ.
«Засагай газарай сагай» хэмжээндэ Буряад Уласай Болбосоролой болон эрдэм ухаанай сайд Баир Жалсанов уласай һургуулинуудта багшанарай дутагдалай асуудалай шиидхэлгэ тухай тоосохо.
