856
Буряад уласай байгаалиин нөөсэнүүдэй яаманда бог шорой гаргаха талаар асуудалнуудаар 8(3012)46-06-16 гэһэн утаһаар хандажа болоно. Бог шорой шэрэхэ эмхи ажаһуугшад болон юридическэ нюурнуудтай хэлсээ баталха, бог шорой гаргаха болзоото сагай гурим эбдэһэн тухай асуудалнуудаар яаманай мэргэжэлтэд харюусаха.
Ажалай үдэрнүүдтэ үглөөнэй 8.30 сагһаа хонходожо болоно. Понедельникһээ четверг болотор - үдэшын 17.30, пятницада 16.30 болотор ажаһуугшад хонходохо аргатай.
Буряад Уласай дэбисхэр бог шорой суглуулха, шэрэхэ, усадхаха талаар 3 газарта хубаагданхай. Нэгэдэхи газарта Улаан-Үдэ, Северобайкальск хото, Ивалга, Тарбагатай, Бэшүүр, Мухар-Шэбэр, Аха, Түнхэн, Ярууна, Хэжэнгэ, Хори, Загарай, Хойто Байгалай, Муяын, Бабантын аймагууд хабаатай. Баргажан, Кабанск, Хурамхаан, Байгал шадарай аймагууд хоёрдохи газар болоно. Зэдэ, Захаамин, Хяагта, Сэлэнгэ аймагууд гурбадахи газарта ороно. Уласай тарифуудай талаар албанда гурбан газарта гурбалжан метрэй бог, хаядаһанай түлөө хүн бүхэнэй сэн байгуулагдаа.
Буряад Уласай Байгаалиин нөөсэнүүдэй яаманай бог шоройн нормативай ёһоор, 2019 оной апрелиин 1-һээ бог, хаядаһанай түлөө нэгэ хүнэй түлбэри һарын 67,76 түхэриг (нэгэдэхи газарта), 66,91 түхэриг (хоёрдохи газарта), 64,21 түхэриг (гурбадахаи газарта) гэһэн сэн байгуулагдаа.
