1188
Ород даам наадалгаар Ородой Холбоото Уласай Кубок Москвагай можодо үнгэргэгдөө. Тамирай хэмжээ ябуулгада Ород гүрэнэй гроссмейстер, Буряадай тамиршан Баир Ринчинов хабаадаһан байна.
Бүхыдөө хэмжээ ябуулгада Москва хотын, Башкортостан, Буряад, Крым, Саха (Яхад) уласуудай, Пермскэ хизаарай, Брянска, Магаданска, Москвагай, Тульска можонуудай гушанһаа дээшэ тамиршад мүрысөө. Тэдэнэй дунда 9 гроссмейстер болон спортын 10 мастер хабаадалсаа.
Буряадай тамиршан Баир Ринчинов классическа программада ород даам наадалгаар 3-дахи һуури эзэлээ. Үндэр амжалтаарнь Баир Ринчиновые амаршалнабди.
Буряад уласай спортын болон залуушуулай бодолгын талаар яаманай мэдээсэлэй албанай гэрэл зураг
