868
Үнгэрһэн үдэрэй туршада Буряад уласай Ярууна, Загарай, Хэжэнгэ, Хори аймагууд болон Түнхэнэй дархан газарта ойн 6 түймэр һүжэрһэн байна. Тиихэдэ 4 газарта түймэр унтараагдаа, Хэжэнгэ болон Ярууна аймагуудта үглөөнэй 9 сагай мэдээсэлээр, түймэр саашаа тарахаа болижо, тэрэ сарагдана.
Түймэр саралгада Үбэр Байгалай авиационно ойн харуулай, ой ашаглагшад – бүхыдөө 200-гаад хүн хабаадаа.
Буряад уласта түймэрэй аюултай хаһын эхилһэнһээ хойшо 970 гектар тухай талмайда ойн 83 түймэр гараһан байна.
Буряад уласай дэбисхэртэ түймэрэй аюултай хаһын онсо гурим соносхогдонхой гэжэ уласай ойн ажахын агентство һануулна. Онсо гуримай үедэ ойдо орохо, түүдэг носоохо, хагда, бог шорой галдаха хоригдоно.
Түймэрэй гараһан тухай (3012)20-44-44 гэһэн утаһаар дуулгыт гэжэ ойн харуулшад ажаһуугшадта хандана.
