935
Мүнөөдэр, апрелиин 22-то, Буряад Уласай Арадай Хуралай ээлжээтэ сессидэ Засагай газарай Түрүүлэгшын эдэй засагай хүгжэлтын талаар Түрүүлэгшын орлогшын тушалда Алексей Мишенин һунгагдаба. Үндэр тушаалда Алексей Мишениные томилхо тухай 47 һунгамал Буряадай Толгойлогшодо зүбшөөлөө үгэбэ. 12 хүн буруушааһан байна.
«Буряад уласта Үйлэдбэриин болон худалдаа-наймаанай яаманда гурбан жэл хүдэлөөб, шэнэ хүн ерээ бэшэб. Үйлэдбэриин болон худалдаа-наймаанай яаман эдэй засагай һалбариин хубинь болоно. Танай зүбшөөлһөө энэ һалбари хүтэлбэрилхэб. Буряад уласай бюджет гүрэнэй тэдхэмжэһээ дулдыдана. Тиимэһээ хэхэ ажалаа эртээнһээ элирүүлжэ, тон шухалыень элирүүлхэ хэрэгтэй. Авиа барилга, хангалгын байгууламжа, эрдэмэй һалбари хүгжөөлгэдэ онсо анхарал хандуулха хэрэгтэй», - гэжэ Алексей Мишенин хэлэбэ.
Алексей Мишенинэй һанамжаар, эрдэмэй һалбари ниигэмэй шэглэлдэ орхихо хэрэггүй.
Эдэй засагай хүгжэлтэһөө улас доторой ажабайдал дулдыдана гэжэ һунгамалнууд тэмдэглэнэ. Улаан-Үдын аавиазаводто «Байкал» самолёдой үйлэдбэри хадаа уласай эдэй засагай хүгжэлтэдэ ехэ удха шанартай. Харин хүдөө ажахын һалбариин байдал ямар байхаб?
Буряад уласай дэбисхэртэ агропромышленнэ комплекс, аяншалга хүгжөөлгэ үргэлжэлүүлэгдэхэ гэжэ Алексей Мишенин хэлэбэ.
Алексей Мишенинэй хэлэһээр, Буряад Уласай Толгойлогшын Засагай газарай эдэй засагай һалбари хүтэлбэрилхэ гээһн дурадхалда харюу үгэхэ, тиимэ бэлэн бэшэ байгаа. шиидхэхээр бэшэ асуудалнуудай түлөө харюусалга дааха болоноб гэжэ сайд хэлэбэ.
Буряад Уласай Засагай газарай мэдээсэлэй албанай гэрэл зураг
