Буряад Уласай хүдөө ажахын болон эдеэ хоолой яаман «Агропромышленнэ комплексын һалбаринуудые хүгжөөлгэ» гэһэн гүрэнэй программын бүридэлдэ ородог «Буряад уласта хүдөө нютагуудай дэбисхэр болон агопромышленнэ комплекс хүгжөөлгэ» гэһэн программын хэмжээндэ хүдөө ажахы дэмжэхэ талаар мүрысөөн эмхидхэгдэнэ.
«Гэр бүлын мал ажахын фермэнүүдые хүгжөөлгэ» гэһэн грантда хүртэхэ мүрысөөндэ хабаадаха дуратайшуул апрелиин 25-һаа майн 24 болотор Хахалова, 4а гэһэн хаягаар 309-дэхи танхимда дансануудаа оруулжа болоно.
Фермерскэ ажахын хүтэлбэрилэгшэ гэжэ бүридхэлдэ абтаһан Ородой Холбоото Уласай эрхэтэд мүрысөөндэ хабаадаха аргатай. Тиихэдэ мүрысөөндэ хабадагшад мүрысөөнэй эрилтэнүүдээр дансануудаа бэлдэжэ, конверт соо тушааха болоно. Дансанууд болон тэдэнэй буулгабаринууд тушаагдаһан тухай бүридхэлдэ оруулагдаха юм. Мүрысөөндэ хабаадаха тухай мэдүүлгэеэ ажахын хүтэлбэрилэгшэд түлөөлгэтэ нюурнуудаар дамжуулха аргатай. Конверт дээрэ хабаадагшын нэрэ, обог, хаяг, утаһан болон тэдхэмжын хэмжээн заагдаха болоно.
Тодорхой мэдээсэл 8 (3012) 553013, 552947 гэһэн утаһануудаар абаха арга бии.
Анна Огороднигой гэрэл зураг