865
Байгша оной апрелиин 26-да Буряад уласай бүхы аймагуудай түлөөлэгшэд Улаан-Үдэдэ сугларжа, нютагай засагай байгууламжануудай хүгжэлтын талаар хуралдаанда хабаадаха.
Буряадай дэбисхэр хүгжөөхэ, бюджедэй һалбари ашаг үрэтэйгөөр хүтэлбэрилхэ, хүдэлмэрилэгшэдэй бодолго, фермернүүд болон олзын хэрэг эрхилэгшэдые дэмжэхэ талаар дүхэриг шэрээнүүд эмхидхэгдэхэ. Тиихэдэ хабаадагшад ТОС-уудай хүгжэлтын, болбосон түхэлтэй оршон байгуулха талаар дүй дүршэлөөрөө хубаалдаха. Аймагуудай нютагай байгууламжануудай эрхим хүдэлмэрилэгшэдтэ гүрэнэй шагналнууд барюулагдаха, налог татабарииин дүнгүүдээр эрхим аймагууд байһал шагнагдаха юм.
- Буряад уласай аймагуудай хуралдаан жэл бүри эмхидхэгдэдэг. Байгша оной хуралдаанай хэмжээндэ анха түрүүшынхиеэ Буряад Уласай Толгойлогшо Алексей Цыденовэй ажаһуугшад болон Арадай Хуралда уласай хүгжэлтын талаар захил-хандалга үнгэрхэ гэжэ түсэблэгдэнхэй. Хуралдаанда хабаадаха тухай аймагуудһаа 400-һаа дээшэ хүн мэдүүлээд байна, тиихэдэ олониитын эмхинүүдэй түлөөлэгшэд хабаадаха. Тус хэмжээ ябуулга олоной һонирхол татана, - гэжэ Буряад уласай эдэй засагай сайд Александр Бардалеев хэлэбэ.
