​Һүнэй һайндэр Буряад уласай Баргажан аймагта үнгэрхэ

Хилгана нютагта Сагаан эдеэнэй найр үнгэргэгдэхөөр хараалагдана.

Һүнэй ехэ һайндэр эмхидхэхэ һанамжа энэ тосхоной ажаһуугша Надежда Бадмаева үүсхээ. Энэ харалганда эхилжэ байһан болон бэеэ хүсэһэн хүдөө ажахын үмсын хэрэг эрхилэгшэд, һүнэй үйлэдбэрилэгшэд хабаадаха аргатай.

“Буряад арадайнгаа ёһо заншал сахин хамгаалжа, хэр угһаа һүнэй эдеэнэй зүйлнүүдые буйлуулан ажамидаржа байһан хэрэг һэргээхэ, хүдөө нютагуудые өөдэнь хүгжөөхэ гэһэн зорилгонуудые урдаа табинабди”, - гэжэ Надежда Бадмаева мэдээсэнэ.

Эндэ ганса һүнэй эдеэ хоол дэлгэгдэхэ бэшэ, мүн һүнэй зүйлнүүд хайшан гэжэ буйлуулагданаб, шанагданаб гэһэн дүршэлөөрөө хубаалдаха юм. Мүн Буряад Уласай Хүдөө ажахын болон эдеэ хоолой яаманай мэргэжэлтэд элдэб туһатай зүбшэлнүүдые үгэхэ.

Тамирай болон соёлой хэмжээнүүд энэ нааданай үедэ эмхидхэгдэхээр хараалагдана. Айлшадта танилсуулгын болон аяншалгын зам дурадхагдаха. Нааданай гол айлшан - аяншалагша ультрамарафонец Дмитрий Ерохин тэрэ 50 үдэрэй хугасаада Байгал далайе тойрон, 2000 модоной зайда ябаха түсэб табинхай.