1850
Сэсэрлигэй үхибүүдэй сэсэн гээшэнь
Буряад Уласай Толгойлогшо Алексей Цыденов ажалай хэрэгээр аймагуудаар ябахадаа, һургуулинуудта болон хүүгэдэй сэсэрлигүүдтэ буряад хэлэ яагаад заагданаб гэжэ заал һаа хаража танилсана. Энэшье удаа Захаамин аймагта “Солнышко” гэһэн хүүгэдэй сэсэрлигтэ орожо, үхибүүдэй хэшээлдэ һуугаа.
- Манай аймагта түрэл хэлэеэ үзэхэдэ, яһала һайн оршон байдалтогтоогдонхой. Өөрынгөө хэлээр хөөрэлдэдэггүй газарта буряад хэлэеэ дамжуулхань тон хүшэр, - гэжэ захааминаархид абаһаар лэ тэмдэглэнэ.
Һүүлэй байдалаар Захааминда 10 һургуулида буряад хэлэ үндэһэн программаар үзэнэ, мүн 16 һургуулида гүрэнэй хэлэн гээд заагдана. Хүүгэдэй 16 сэсэрлигтэ буряад хэлэ заалгын программа хүсэд бэелүүлэгдэнэ. Энээн тухай аймагай эрдэм һуралсалай таһагые даагшын орлогшо Баярма Цыренова дуулгана. Үхибүүдые түрэл хэлээрнь һонирхуулхын түлөө шэнэ онол арганууд үргэнөөр нэбтэрүүлэгдэнэ.
- Хүбүүд, басагадтаяа багшанар“Бурелаш” гэжэ түсэл үнинэй бэлдэнэ. Һүүлэй үедэ мультфильмнуудые,эстрадын дуунуудые оршуулдаг болонхой. Физкультурын дасхалнууд буряадаар бэлдэгдэжэ, һургуули бүхэндэ удангүй тараагдаха юм.Энэ хэрэг ганса буряад хэлэнэй мэдэсыень дээшэлүүлнэ бэшэ, мүнүхибүүдэй элүүр энхые хараална, -гэжэ Баярма Цыренова хөөрэнэ.
Закаменск хотын “Солнышко”сэсэрлигтэ буряад хэлэ һайнаар нэбтэрүүлдэг байна. Буряад УласайТолгойлогшо Алексей Цыденовые үнинэй хүлеэһэнээ тэндэ мэдүүлээ.Тиимэһээ багашуулшье, багшанаршье һонирхолтой харалга эмхидхээ. Нэн түрүүн хүндэтэ айлшадые дүрбэтэйхэн хоёр багашуул сэсэрлиг дотороо ород ба буряадаа холин байжа, экскурси хэжэ баярлуулаа. Багашуулай хэһэн бүтээлнүүд айлшадай нюдэ хужарлуулаа.
Буряадай Толгойлогшо танилсалгын хэшээлдэ хабаадалсахадаа, багашуултай хамта асуудалнуудта харюусаа. “Ши хэн гэжэ нэрэтэйбши?”- гэхэдэнь, “Би Алексей гэжэ нэрэтэйб”, - гэжэ харюусахадань, үхибүүдехээр хүхеэ.
“Солнышко” сэсэрлиг хадаа ганса Захааминдаа бэшэ, мүн бүхы Буряадта жэшээтэ сэсэрлиг юм. Эндэхи хүдэлмэрилэгшэд, багшанар,хүмүүжүүлэгшэд элдэб янзын шэнэаргануудые хэрэглэжэ, үхибүүдые олон шэглэлээр һургана гээшэ. Аша ехэтэйгээр хүдэлһэнэй түлөө “Солнышко” бүхэроссиин урилдаанда 2018 ондо түрүүлһэн юм.
Баярма Цыреновагай хэлэһээр,Закаменск хотодо буряад хэлэүзэлгэ шэнэ хэмжээндэ удангүй гараха. Нэмэлтэ һуралсалай байшан заһабарилагдажа, “Успех” гэһэн хүгжэлтын түб байгуулагдахаар хараалагдана. Эгээл эндэ буряад хэлэ үзэгшэдэй бүлгэм нээгдэхэ. Хажуугаарнь эндэ багашуулые һургуулида бэлдэхэ юм.
Гэбэшье Захааминай Баянгол, Ёнгорбой, Санага һууринуудта хүүгэдэй сэсэрлигүүдэй байшанууд заһабарилагдахаар болонхой. Санага һууринай багашуул шэнэ һургуулиин байшанда һуралсалаа ябуулна. Эндэ шэнэ сэсэрлиг бариха хэрэгтэй. Буряад Уласай Толгойлогшо Алексей Цыденов эдэ бүгэдэ бэрхэшээлнүүдые шиидхэхэ тухайгаа мэдүүлээ, захааминаархидые найдуулаа.
Борис Балдановай гэрэл зураг
Автор: Борис БАЛДАНОВ
