Энгэлийн Бадам (1908-1985)
montsame.mn
Эсэгэ ороноо хамгаалгын Агууехэ дайнай үедэ Монголой Увс аймагай Наранбулаг сомоной малшан Энгэлийн Бадамай гаргаһан габьяа сэгнэшэгүй.Тэрэ үедэ монгол эхэнэрнүүд хониной арһаар нэхы хантууз, бээлэйнүүдые оёжо, алта, мүнгэн зүүдхэлнүүдээ совет армида үргэдэг байһан. Харин Энгэлийн Бадам өөрынгөө зүгһөө 16 тэмээ, 93 адуу, 1600 хони, 10 мянган түхэриг (тэрэ үедэ энэ мүнгөөрнь 12500 толгой хони худалдажа абахаар байгаа) хандиблаһан байна. Тэрэнэйнгээ түлөө “Фронт Бадам” гэжэ зоной дунда алдаршаа.
Совет арадай түлөө, энхэ амгалан байдалай түлөө иимэ ехэ габьяа харуулһан, илалта шэрээлсэһэн Монголой ажалша юрын эхэнэр тухай Ород гүрэн дотор, илангаяа залуушуул мэдэнэ гээшэ гү? Үгыл байжа болоо.
Энгэлийн Бадам Монголой Увс аймагай Наранбулаг сомондо 1903 ондо түрэһэн намтартай. Монголой Арадай Уласай Засагай газарай Хүндэлэлэй бэшэгээр шагнагданхай. Гадна СССР гүрэнһөө В.И. Ленинэй түрэһөөр 100 жэлэй ойн баярай медаль Энгэлийн Бадамда зүүлгэгдээ һэн.
1947 ондо Бадамай хаража байһан малай тоо 2154 толгой болоһон байна. Үндэр наһатай болотороо үхэр малаа үдхэһөөр лэ байгаа.
«Минии Буряад» сэтгүүлһээ