835
2011 онһоо хойшо Буряад Уласай Болбосоролой болон эрдэм ухаанай яаман һурагшадай дунда «Юрэнхылэгшын тамирай наадануудые» эмхидхэнэ. Һурагшадай дунда бүхэроссиин тамирай урилдаан һургуулиинуудай, нютагай засагай байгууламжануудай, уласай болон бүхэросссиин гэһэн 4 шатада үнгэргэгдэдэг юм.
Баскетбол (3х3), шэрэйн теннис, хүнгэн атлетикэ болон тамирай аяншалгаар һурагшад “Юрэнхылэгшын тамирай наадануудта” мүрысэхэ юм. Жэл бүри уласай хэмжээнэй урилдаанда 15-16 бүлэгүүд хабаададаг. Мүнөө жэлэй командануудай бүридэлдэ 5- дахи классуудай һурагшад ороно.Тамирай наадануудта Буряад Уласай аймагуудай бүхы һургуулинуудай 2004-2005 оной һурагшад хабаадаха болоно.
Ородой Холбоото Уласай Юрэнхылэгшын 2010 оной июлиин 30-най 948-дахи тогтоолоор “Юрэнхылэгшын тамирай нааданууд” болон “Юрэнхылэгшын мүрысөөнүүд” гэһэн тамирай уласай хэмжээ ябуулгануудые Буряад Уласай Болбосоролой болон эрдэм ухаанай яаман эмхидхэдэг юм. Ургажа ябаа улаан бургааһадые элүүржүүлхэ, тэдэниие тамирай хэмжээ ябуулгануудта олоор хабаадуулха зорилготой жэл бүри тамирай нааданууд үнгэргэгдэнэ гээд тэмдэглэлтэй.
Буряад Уласай болбосоролой болон эрдэм ухаанай яаманай мэдээсэлэй албанай гэрэл зураг
