​​Буряад уласай Мухар-Шэбэр аймагта хүдөө ажахын техникэ шэнэлэгдэбэ

Мухар-Шэбэр аймагай “Искра” ажахы хүдөө ажахын техникэеэ шэнэлгэдэ 30 сая түхэриг гаргашалаа.

Эндэ һаяшаг шэнэ оньһото 4 хэрэгсэл болон 2 трактор худалдажа абаад, мүнөө жэлэй хабарай тарилгада хэрэглэжэ эхилбэ. Гүрэнэй түсэлөөр абтагдаһан техникын үнэ сэнгэй хахадынь жэл бүри Буряад Уласай мүнгэн зөөриин жасаһаа бусаагдадаг. Байгша ондо энэ хэрэгтэ манай уласта 90 сая түхэриг гаргашалагдахаар хараалагдана.