​​Буряад уласай Ярууна аймагта “Ариг сэбэр тосхоной түлөө” гэһэн урилдаан соносхогдобо

Энэ урилдаанда Арадай Хуралай һунгамал Аркадий Дамдинович Цыбиков хам оролсожо, мүнгэ зөөри һомолбо. Гол зорилгонь - аймагай тосхон бүхэндэ гэрэй гадаада ба дотоодо талань ариг сэбэр, гудамжын нэрэ, гэрэй дугаарнууд, айлай хорёо харша заһагданхай, шэрдэнхэй, модо ургамал таригданхай, гудамжануудаар хүнэй һуужа амарха һандалинууд, бог шорой, хэрэглэгдэһэн элдэб бутархай ноохой нобшонуудые суглуулха газарнууд тодорхойлогдонхой, гуримшуулагданхай байха ёһотой. Энэ урилдаае хүтэлбэрилхэ комисси аймагай захиргаанай тогтоолоор баталагданхай.

Эдуард Будаев