867
Байгша оной намар Ородой Холбоото Уласай можо нютагуудай болбосоролой һалбариин 100 багшанар Байгалай аяншалгын колледждо һуралсал гараха. Тэдэнэр «Практика и методика профессиональной подготовки с учетом спецификации стандартов Ворлдскиллс по компетенции «Поварское дело» гэһэн программаар эрдэм мэдэсэеэ дээшэлүүлхэ юм.
«Болбосорол» гэһэн түсэлэй хэмжээндэ "Рабочие кадры для передовых технологий" гэһэн шэглэлээр болбосоролой программа бэелүүлгэдэ федеральна бюджетһээ 5 саяһаа дээшэ мүнгэн һомологдохо.
Сибириин болон Алас Дурнын федеральна тойрогуудай дэбисхэртэ «Агентство развития профессиональных сообществ и рабочих кадров «Молодые профессионалы» гэһэн зүблэлһөө болбосоролой программада хабаадаха тухай урилга Байгалай аяншалгын колледждо эльгээгдэһэн байна. Буряадай болбосоролой тус эмхи Ворлдскиллс Академиин хэмжээ ябуулгануудые үнгэргэхэ эрхим талмайнуудай тоодо оронхой.
«Поварское дело» гэһэн шэглэлээр Ворлдскиллс урилдаанай хэмжээндэ һуралсал эмхидхэгдэхэ. Тиихэдэ Санкт-Петербург,Ново-Куйбышевск, Москва хотын тус һалбариин мэргэжэлтэд программада хабаадалсаха юм.
