1002
Буряад уласай худалдаа наймаанай-үйлэдбэриин танхимай бүридэлдэ ородог «Амта», «Дебют» гэһэн бүлгэмүүд Хитадай Шанхай хотодо эдэ үдэрнүүдтэ үнгэргэгдэжэ байһан эдеэ хоолой «SIAL China 2019» гэһэн үзэсхэлэндэ хабаадана.
Уласхоорондын хэмжээ ябуулгада дэлхэйн 4,3 мянга шахуу компанинууд болон үйлэдбэринүүд хабаадана. Жэл бүри Шанхай хотодо эмхидхэгдэдэг хэмжээ ябуулга худалдаа-наймаанай һалбарида ажал ябуулагшадай һонирхол татадаг.
Буряад уласай худалдаа наймаанай-үйлэдбэриин танхимай хүтэлбэрилэгшын инвестициин талаар орлогшо Зорикто Байроновой хэлэһээр, уласхоорондын үзэсхэлэндэ Ородой Холбоото Уласай павильон эмхидхэгдэнхэй. Тус павильондо Буряадай олзын хэрэг эрхилэгшэ Елена Рябчугай эмхиин үйлэдбэрилдэг сай, бал дурадхагданхай. 1,5 дүрбэлжэн метр талмайтай Ород гүрэнэй үзэсхэлэндэ 115 компанинууд хабаадана.
