Улаан-Үдэдэ майн 30-31-нэй үдэрнүүдтэ үнгэргэгдэхэ Ородой Холбоото Уласай Олониитын танхимай «Сообщество» гэһэн хуралдаан «Сбережение народа. Национальные проекты: потенциал Сибири и Дальнего Востока» гэһэн сэдэбээр үнгэрхэ.
Бүхэроссиин хуралдаанай хэмжээндэ Алас Дурнын хүгжэлтын Үндэһэтэнэй программаар хэлсэхэ юм. Ородой Холбоото Уласай Юрэнхылэгшэ Владимир Путин Зүүн зүүгэй эдэй засагай дүрбэдэхи хуралдаанда Үндэһэтэнэй программа бэлдэхэ тухай даалгаһан байна. Тиигэжэ 2018 онһоо хойшо үндэһэтэнэй түсэлнүүдые болон гүрэнэй программануудые бэелүүлхэ талаар гэр байра, гэр байрын ажахы, унаа тээбэри, элүүрые хамгаалга, соёл, спорт болон ниигэмэй бусад һалбаринуудта, эдэй засаг болон эрдэм хүгжөөхэ гэһэн зорилготой программа бэлдэгдэнэ. Алас Дурнын федеральна тойрогой хүгжэлтын Үндэһэтэнэй программада оруулһан дурадхалнуудай дүнгүүд хуралдаанда согсологдохо.
Бүхэроссиин хэмжээ ябуулгада Ородой Холбоото Уласай Зүүн зүгэй хүгжэлтын яаманай, Сибириин болон Алас Дурнын тойрогой түлөөлэгшэд, федеральна мэргэжэлтэ шүүбэришэд болон олониитын аджал ябуулагшад хабаадаха юм.
Хуралдаанай дүнгүүдээр дурадхалнууд согсологдожо, жэлэй һүүл багта Москва хотодо эмхидхэгдэхэ хуралдаанда оруулагдаха юм.
Ородой Холбоото Уласай Олониитын танхимай сайтда Бүхэроссиин «Сообщество» гэһэн хуралдаан тухай тодорхой мэдээсэл абахаар.
Ородой Холбоото Уласай Олониитын танхим 2015 онһоо хойшо бүхы можо нютагуудта бүхэроссиин хэмжээ ябуулга эмхидхэнэ гээд тэмдэглэлтэй.
Буряад Уласай эдэй засагай яаманай мэдээсэлэй албанай гэрэл зураг