1041
Байгша оной июниин 15-да Буряадай оперо болон баледэй театрта Буряадай габьяата артист, Красноярскын театрай дуушан Михаил Пирогов нютагайнгаа үргэн олон харагшадые хужарлуулха. Тенор хоолойтой бэлигтэй дуушан уласхоорондын олон тоото дуунай мүрысөөнүүдтэ амжалта туйлажа, гүрэнэйнгөөшье, дэлхэйн тайзанууд дээрэ дуулаһан юм.
Энэ үдэшэ Үндэһэтэнэй оркестрэй хүгжэм доро Михаил Пирогов аринууд, ород, итальян болон буряад дуунуудые дуулаха юм.
- Түрэл «Байгал» театртаа дууша замаа эхилһэн байнаб. Үндэһэтэнэй оркестртэй хамта ехэ дуратайгаар тайзан дээрэ гарадагби, - гэжэ Михаил Пирогов түрэл театр тухайгаа дулааханаар дурсана.
Тиихэдэ СССР-эй арадай артистка Галина Шойдагбаева Михаил Пироговтой хамта энэ үдэшэ шэмэглэхэ. Мэдээжэ тенорой хэлэһэнэй ёһоор, тэрэ оперын «одонтой» нэгэ тайзан дээрэ гаража, дуулахаяа үнинэй хүсэдэг.
Тодорхой мэдээсэл абаха гэбэл, 21-30-22, 40-40-54 гэһэн утаһаар хонходожо болоно.
«Байгал» театрай мэдээсэлэй албанай гэрэл зураг
