«Краса Бурятии – 2019» гэһэн заншалта харалган һаяхана Улаан-Үдэдэ үнгэрбэ. 20-дохиёо эмхидхэгдэһэн харалганда 31 басаган хабаадаа.
Нёдондоной харалганда илагша һайхан дангинанар мүнөө жэлэй хэмжээ нээжэ, шэнэ басагадта амжалта хүсэбэ. Эгээл һайхан дангинын нэрэ зэргэдэ хүртэхэеэ һэдэгшэд нааданда эдэбхитэй хабаадаба.
Энэ хэмжээндэ “Монголой дангина” гэһэн эблэлэй түлөөлэгшэд ерэжэ, манай һайхан дангинанарые тэдэнэй харалганда хабаадахыень уриба. Түнхэн аймагай Алтана Ангархаева эгээл һайхан дангина гэжэ тодорон гараба. Алтана Зүүн Сибириин технологическа ехэ һургуулида заочно түхэлөөр һурадаг, мүнөө аймагайнгаа захиргаанда ажалладаг юм. Буряад Уласай “Хара морин” гэжэ волейболоор суглуулагдамал командын гэшүүн гээшэ.
Гэрэл зураг: @krasaburyatii