895
Байгша оной июлиин 17-до Буряад драмын театрта үертэ абтаһан хүнүүдэй уйдхар гашуудал тухай «Бэлшэрэй түүхэ» гэһэн зүжэгөө харуулжа, Эрхүү можодо үертэ абтаһан хүнүүдтэ туһа хүргэхэ юм. Туһа хүргэхэеэ һанаһан хүнүүд түрэл театртаа ерэжэ, 300-һаа 500 түхэриг хүрэтэр билет абажа, буян үйлэдэхэ аргатай.
Валентин Распутинай «Прощание с Матёрой» гэһэн туужын удхаар Сойжин Жамбаловагай «Полёт. Бильчирская история» гээһн зүжэг 2016 оной октябрь һарада табигдажа, олоной дура буляагаа гэхэдэ алдуу болохогүй. Эрхүү можын Оһын аймагта аяар 1961 ондо болоһон уйдхар гашуудалтай ушар зүжэг дотор харуулагдаа. Хуушан Бэлшэрэй ажаһуугшад мүнөөшье хүрэтэр Братска ГЭС бариха үедэ уһан доро ороһон нютагаа мартаагүй.
Тэбхэр табин жэлһээ дээшэ жэлнүүд үнгэржэ, Эрхүү можо үертэ абтажа, хүнүүд орохо гэргүй боложо, хамаг зөөриеэ алдаа. Һүүлэй мэдээсэлээр, 700-һаа дээшэ хүн саг зуурын байрануудта байрланхай, 22 хүн наһанһаа нүгшөө...
Буряад уласай соёлой яаманай мэдээсэлэй албанай гэрэл зураг
