Нээлтын баяр ёһолол
Аймагай бүридэлдэ ородог бүхы һуурин тосхонуудай хабаадалгатай Сурхарбаан һаяхана үнгэрбэ. Тамиршадһаа гадна һайн дуранай уран бэлигтэн тэрээндэ олоороо оролсоо.
Заншалта ёһоороо бүхэ барилдаан, һур харбалга, мори урилдаан, хүнгэн атлетикэ, хүл бүмбэгэ, гиир үргэлгэ, гар бүмбэгэ, аргамжа таталга болон бусад тамирай тэмсээнүүд үнгэргэгдэжэ, илагшад элирүүлэгдээ. Илангаяа мори урилдаанда олоной анхарал хандуулагдаа гээд хабаадагшад онсолно. Харин уран бэлигтэнэй мүрысөөндэ Выдрино һууринай түлөө лэгшэ Руслан Ишмухаметов эрхимлээ.
Соёлой-спортын урилдаа мүрысөөнүүдэй ниитэ дүнгүүдээр аймагай бага һууринууд сооһоо Творогово нютаг түрүүлээ, харин ехэ һууринуудай дунда Кабанск тосхон илалта туйлаа.
kabansk.org сайтһаа гэрэл зураг