​​Буряад уласаар аяншалагшадһаа – арьбан олзо

Аяншалагшад Буряад ороно­ор ехэ һонирходог болон­хой. Байгал далай, XII Хамба лама Этигэлов... Хари гүрэнүүдэй ажаһуугшадай хараха, гайхаха юумэн уластамнай яһала олон. Тэ­дэнэй һонирхол татаха зорилго­тойгоор элдэб янзын хэмжээ ябуул­гануудшье элбэгээр үнгэргэгдэдэг.

Тоо баримтануудай албанай мэдээнүүдые харахада, аяншалагшад һүүлэй арбан жэлэй туршада жэл ошохо тума олошорно. Харин 2018 ондо 391,02 мянган хүн Буряад ороноор аяншалжа, 2,565 милли­ард түхэригэй олзо бюджедтэмнай оруулһан байна.

Аяар 108 гүрэнһөө аянщшалагшад ерэнэ. 41,7% - Монгол орон, 31% - Хитад, 4,1% - Германи, 3,6% - Урда Солонгос, 2,2 % - Франци, 1,6% - Великобрита­ни, 1,0% - Япони. Аяншалгын гол зорилго: амаралта (63,5%), ажал хэрэгэй, мэргэжэлэй һонирхол (14,3%), эмнэлгэ ба элүүржүүлгэ (8,5%).

Ябууд хоорондоо “Абсолют” хүрэжэ ерэшэдэг хүршэ Монголой ба жэл бүхэндэ үбэл зунгүй энээгүүрнай зайдаг, хара ажал хэдэг хитад аянша­лагшадта бидэ һурамхи болошон­хойбди.