Польшын Гданьск хотын ажаhуугша Войджи Хомк Буряад орон руу зорижо ерээ юм. Юуб гэхэдэ, тэрэ үнинһөө хойшо Байгал далай хараха хүсэлтэй hэн.
“Байгал далай хадаа бүхы дэлхэй дээрэ эгээл гүнзэгы нуур гэжэ суурхадаг юм. Тиимэhээ би зорюута ерээб. Бидэ Эрхүү можоор тойрон, суута газарнуудаар ябажа, Ойхон арал хүрөөбди. Байгал далайн Шаман хабсагай хараабди, Н.М. Ревякинай нэрэмжэтэ хизаар ороноо шэнжэлгын музейдэ урданай зоной ажабайдалтай танилсаабди”, - гэжэ Войджи Хомк хөөрөө.
Польшын аяншалагшадай тэмдэглэһээр, Буряад орондо сохом хоёр-гурбан үдэр үнгэргэхөөр байна: hонирхолтой газарнууд ехэ олон.
Тэдэ Соведүүдэй талмайгаар ябаа, М.Н. Хангаловай нэрэмжэтэ Түүхын музейдэ хүрөө. Удаань Ивалгын дасан ошохо, Тарбагатай нютагай шэмээшэгүүдэй ажабайдалтай танилсаха, Сэлэнгэ мүрэн хараха юм. Тэдэ саашаа Красноярск хүрөөд, Москва зүглэхэ юм.
Буузыемнай эдижэ, амтархаһан байна. Буряадуудай эгээл амтатай заншалта эдеэн гэжэ мэдэхэ болоо. Улаан-Үдые Гданьск хотодо орходоо, багахан тосхон шэнги гэжэ хэлээ. Бидэниие ехэ хүндэмүүшэ зон байнат гээ.