792
Буряадай ниислэл хотын Железнодорожно хороогой Комсомольская, 4, Октябрьская, 5 гэрнүүд шадар 16 метр үргэнтэй, 20 метр утатай хүүгэдэй тамирай талмай байгуулагдаха юм.
Хүүгэд мини-футбол, баскетбол, волейбол наадаха аргатай байха. Тус талмай резинээр хэгдэһэн хушалтатай. Шэнэ талмайда энэ микрорайоной мүрысөөн, турнир болон тамирай хэмжээ ябуулагнууд үнгэргэгдэхэ юм.
Тамирай талмай барилгада Буряад Уласай Арадай Хуралай болон Улаан-Үдэ хотын Зүблэлэй һунгамалнуудай заабари бэелүүлхэ хэмжээндэ 1,4 сая түхэриг һомологдоһон байна.
Улаан-Үдэ хотын захиргаанай мэдээсэлэй албанай гэрэл зураг
