922
Сэлэнгэ аймагай Нуур-Түхэм нютагта баярай оршондо тамирай талмай нээлгын баяр ёһолол үнгэргэгдэбэ. Мүнөө үеын тоног хэрэгсэлнүүдээр хангагдаһан тамирай талмайда гансашье үхибүүд бэшэ, харин аха наһанай зон бэеэ һорихо аргатай.
«Нуур-Түхэм нютагай ажаһуугшад гэрһээ холо бэшэ тамирай мүнөө үеын талмайтай болобо. Удангүй тамирай дүнгүүд харуулагдаха байха», - гэжэ Сэлэнгэ аймагай засаг дарга Станислав Гармаев хэлэбэ.
Тиихэдэ тамирай тайлмайн нээлгын баяр ёһололдо Буряад Уласай спортын болон залуушуулай бодолгын яаманай түлөөлэгшэд - Баир Дашибальжиров болон Булат Цыбенов гэгшэд хабаадалсаа. Тэдэнэр Сэлэнгэ аймагай тамиршадые тэмдэглэжэ, бэлэг болгон бүмбэгэнүүдые барюулаа. Тамирай талмайдаа гамтайгаар хандахыень аймагай захиргаанай хүтэлбэрилэгшын хангалтын байгууламжын, үйлэдбэриин болон гэр байрын ажахын талаар орлогшо Валентин Дакич хүсэбэ.
16 метр үргэнтэй, 30 метр утатай тамирай талмайда үхибүүд баскетбол, волейбол, мини-футбол наадаха аргатай. Тиихэдэ талмай хоройлогдожо, аюулгүй хушалта дэбдигдэнхэй гээд тэмдэглэлтэй. Тамирай шэнэ обьект туршажа, нээлгын баяр ёһололой үедэ Сэлэнгэ аймагай 8 команда мини-футболоор урилдаһан байна.
Ургажа ябаа улаан бургааһадые элүүр, энхэ хүмүүжүүлхэ талаар талмайн хубита сэгнэшэгүй. Тэрэнэй барилгада «Спорт – норма жизни» гэһэн федеральна түсэлөөр, тиихэдэ уласай болон аймагай бюджедүүдһээ мүнгэн һомологдоо.
Сэлэнгэ аймагта атмирай хангалгын байгууламжа хүгжөөхэ талаар ажал үргэлжэлүүлэгдэһээр. Һаяын сагта Ташар нютагта баһал иимэ тамирай тамирай талмай ашаглалгада тушаагдаха юм.
Буряад Уласай спортын болон залуушуулай бодолгын талаар яаманай мэдээсэлэй албанай гэрэл зураг
