742
Түхэреэн жэл соохоно Хурамхаанай Александр Аюшиев малайнгаа байра баряа, үхэр мал худалдажа абаа, зайн гал оруулаа. Тиигээд лэ, өөрын шадалаар наймаанда гаража шадаа.
Хара багаһаан хүдөөгэй ажал мэдэхэ Александр Аюшиев эхилхэһээн яахаб, сашань яажа хүгжөөхэб, тиигээд яажа наймаалжа шадмахаб гэжэ дон добуундань хүрэтэр тооложо гаргаа. Тиигээд лэ 85 сагаан толгойто малаан казаах болон арбан симментал үхэрнүүдые худалдажа абаа.
-Эжэ жэлнай яһала һайн үнгэрбэ. Тугалнуудшье абтагдаа. Үнгэрһэн жэл болон мүнөөшье ногоон нилээд ургаа. Хуряаһан үбһэмнай хүсэд хүрэхэ гэжэ найданаб. Малай бэлшэхэш газар һайн. Иигэһээр табан зуун толгой малтай болохоёо найданабди, - гэжэ залуу малшан урматайгаар мэдүүлнэ.
Энэ үедэ ажал ябуулһанаа хөөрэхэдөө, Алдександр Аюшиев:
-Өөрын ажал эрхилхэ гээшэ хүндэхэн лэ байна. Тиигэбэшье, өөрын һанал зорилгоор ажалаа урагшалуулбал, үрэ дүн ерэхэл юм байна, - гэжэ омогорхоно.
-Хуушаниие һэргээжэ, зайн ан гал оруулжа, худаг малтажа, гэр бараагаа бариха, худаг малтаха, хашаа хорёогоо хашаалха гээд лэ ажалнай захагүй ехэл даа. Ажалтай байһамнай болоо гээд лэ, хамсыгаа шаманабди, - гэжэ тэрэ урматайгаар хөөрэнэ.
Тэрэнэй ажахы мүнөө гурбан центнер үбһэ абахаяа шармайна. Энэншье бүтэхэ гэжэ һанахаар. Энэ зун бороо хура элбэгээр орожо, нуга дайдаарнь ногоон элбэгээр ургаа. Тиибэшье, тэнгэритэй “хэлсээтэй бэшэ хадаа” уһалуурилгын ажал һайнаар ябуулха гэжэ Александр Аюшиев батаар шиидэнхэй.
Автор: Сэнгэ РИНЧИНОВ
