​Дуган барилга дэмжэе!

Улаан-Үдын Спиртзаводой гол харгыгаар 4-дэхи километртэ оршодог дуган барилгада хандиб суглуулгын хэмжээ Ивалгын дасанай Буддын шажанай ехэ һургуули соносхобо.

Хурал уншалгын гол байшаниинь бэлэн болонхой. Гэбэшье уһа ба зайн гал дамжуулхань үлэнхэй. Гадна ламанарай байха гэр бариха, тиигээд дуганаа хорёолхэ хэрэгтэй. Дуган дотор хуралнуудай хажуугаар буддын шажанай гүн ухаа тайлбарилгын хэмжээнүүд үнгэрхэ гээд хараалагдана. Үшөө тиихэдэ түбэд эмнэлгээр арга хэгдэхэ, баряашан үбшэнтэниие хүлеэн абаха юм.

Улаан-Үдын зүүн бэедэ түрүүшын дуган бодожо байна гээшэ. Тиигэжэ тэндэ маани мэгзэмэй абяан соностожо, оршон тойронхиие арюудхажа байха болоно. Буянай хэрэг бүгэдэ зонойл ашаар бэелэлүүлэгдэдэг гээд мэдэнэбди. Эгээл тиимэһээ хүн бүхэн арга шадалаараа дуган барилгые дэмжыт гэжэ гуйнабди.

Сбербанкын иимэ дугаараар 5469 0900 1033 6968 хандиб оруулжа болоно. Буддын шажанай ехэ һургуулиин дид-захирал Содномов Радна ламын нэрээр мүнгэн ябуулагдаха. Тиихэдээ, жэшээнь, иигэжэ тэмдэглээрэйт: «Дуган руу», Бадма, 5 х/а (халуун амин), үргэл - 500 түхэриг.

Радна ламын утаһаар залган, тодорхой мэдээ абажа болоно: 89149800108. Гадна Вконтакте сүлжээнэй энэ хуудаһанда https://vk.com/dugan4kmдуганай барилга тухай һонин мэдээ үргэлжэ дэлгээгдэжэ байна.