​Сарантуяа Жалцанова эдиршүүлтэй хүдэлһэн эхин туршалгаяа дурсаа

«Мүнгэн хонхонууд» студиин саунд-продюсер, хүгжэм зохёогшо, багша Сарантуяа ЖАЛЦАНОВА:

- Гнесинэй нэрэмжэтэ уралигай академиин оюутан һаял болоод ябааб. Москвада ажамидархань тиимэшье хямдахан бэшэ. Хэды болотор аба эжынгээ хүзүүн дээрэ һуухабиб - өөрөө ажал хэхэмни гээд, хүгжэмэй һургуули руу ошоо һэм. Тэндэ намайе багашуулай ахамад хормейстерээр хүдэлхыемни абаа. Жэл хахад тухай хүдэлөөб. Нэн түрүүн ехэ тэсэбэри хэрэгтэй. Балшар наһандаа ябаһан багашуулай анхарал татажа шадаха шухала. Хэдэн тээшээ тарашахагүйнь тулада, һонирхуулха хэрэгтэй. Би тиихэдэ 17-тойхон ябааб. Хэшээлээ хэжэ байтараа, үгыемни дуулахагүйдэнь, бархираадшье абаха сагууд тудагша һэн. Хойшоо хараад, нулимсаяа һэмээхэн аршаадхигша бэлэйб. Теэд бэеэ баряад, хэшээлээ үргэлжэлүүлдэг һэм...

ОРОЛДОЛГО ХЭРЭГТЭЙ

- Багшын үүргэ ехэ. Теэдшье үхибүүнэй өөрынь оролдолго ехэ хэрэгтэй. (Авторай адаглалта: агууехэ хүгжэмшэдэй хэлэһээр, 1 хуби бэлиг талаан дээрэ 99 хуби эсэшэ сусашагүй ажал хүдэлмэри нэмэһэнэй дүн – амжалта).

ГУРБАДАХИ ДИСК ТУХАЙ

- 13 дуун ороно. Дуунуудай үгэнь Санжейжинай Ечигмагай, хүгжэмынь – минии. Нэгэ дуумнай Алдар Цыденжаповта зорюулагдаа. Тиимэһээ дискээ тэрэ дуунай нэрээр нэрлээбди.

Урдахи хоёр дискнай багашуулда зорюулагдаһан байгаа. Тиимэһээ удаадахи согсолбориёо томошог үхибүүдтэ зорюулха гэжэ шиидээб. Зангынь хубилжа, зантайжа байһан эдиршүүл баһал өөрын дуутай байха ёһотой ха юм. Хани нүхэсэл, түрүүшын дуран болон бусад тухай дуулаха дуратай байха аабза. Жэшээнь, Эрдэни Гармаев «Супер-модель – гоо хүүхэн” гэжэ дуу гүйсэдхөө.

ОРАНЖИРОВКО ХЭД ХЭЭБ

- Павел Корелов, Николай Сурин, Евгений Гергешкинов. Москвада ажаһуудаг олон нүхэдни. Монголой хүгжэмшэд

Гэрэл зураг:httpchoir-capella.ru