​​Дорнод аймагта - «шэнэ сомон»

Монгол Уласай Юрэнхылэгшэ Хал­тмаагийн Баттулга «Шэнэ сомон» гэжэ түсэл бэелүүлгын ябасатай танилсаха зорилготойгоор Дорнод айма­гай Халха-Гол сомон хүрэбэ.

Халхын голой Илалтын 80 жэлэй ойн баяр сентябрь һарада Монгол Улас Оро­дой Холбоото Уластай хамта үргэнөөр тэм­дэглэхэ. Тэрээнэй хэмжээн соо энэ түсэл бэелүүлэгдэнэ.

Ородой Холбоото Уласай Юрэнхылэг­шэ Владимир Путин Халхын голой дайнай Илалтын ойн баярта хабаадаха тухайгаа мэдүүлэнхэй. Тиимэһээ энэ түсэлдэ мүнгэ һомолхо тухай асуудал шиидхэһэн байна. Тиигэжэ Ород гүрэнэй “Роснефть” компани 8 сая евро хандиб үргөө.

Энэ туһаламжын ашаар Халха-Гол сомо­ной газар дэбисхэртэ 11 шэнэ объектнүүд баригдана: аймагай засаг зургаанай байшан, 250 хүниие багтааха соёлой байшан, 20 хэб­тэритэй эмнэлгын газар, 650 хүүгэдэй дунда һургуули, 150 хүүгэдэй ябаха сэсэрлиг, тами­рай танхим болон бусад юм.

Мүнөө дээрээ бүтээн байгуулалтын ажал­нууд дүүргэгдэхэ шатадаа хүрэнхэй.

 Улаан-Баатар хото