Мүнөөдэр Буряад Уласай Сэлэнгэ аймагта Загустайн дасанай Согшон дуганай рамнай үргэгдэжэ байна. Үглөөдэр, августын 24-дэ, Загустайн «Дэчен Рабжалинг» дасанай Согшон дуганай нээлгын баяр ёһолол эмхидхэгдэхэ.
Үглөөнэй 8-һаа үдэшын 20.00 саг болотор үргэлжэлхэ «Дашинима Рамнай» гэжэ уншалга Ородой Буддын шажантанай заншалта Сангхын дасангуудай ламанар XXIV Бандида Хамба лама Дамба Аюшеевэй хүтэлбэри доро бүтээжэ байнхай. Мүн лэ августын 23-да үдэрэй 15.00 сагта Жэнсэриг үргэгдэхэ гэжэ дуулгая.
Харин августын 24-дэ үглөөнэй 9 сагһаа Согшон дуганай нээлгын баяр ёһолол эхилжэ, Загустайн дасанай дэргэдэ заншалта соёлой-спортын һайндэр эмхидхэгдэхэ. Эрын гурбан нааданһаа гадна, һээр шаалгаар тэмсээн болохо.
Facebook.com Дацан Сангха сүүлжээнһээ гэрэл зураг абтаба