Ород Уласай Хүүгэдэй хоорой гол дуушадай урилдаан сентябрь һарада Крым Уласта, “Артек” гэһэн уласхоорондын хүүгэдэй түбтэ болохоор хараалагданхай. Тэрээндэ Буряад Уласаа түлөөлэн оролсохо гэжэ Улаан-Үдын хүүгэдэй уралигай һургуулинуудай һурагшад августын 29-дэ тиишээ зорёо.
“Соёл” гэһэн үндэһэн түсэл бэелүүлгын хэмжээндэ тус урилдаае Ородой Холбооной Соёлой яаманай дэмжэлгээр Бүхэроссиин хоорнуудай нэгэдэл эмхидхэнэ.
Сентябриин 13-да Артек-аренэ дээрэ тус урилдаанда илалта туйлагшадта шангуудые барюулгын баяр ёһолол, мүн Ород Уласай Хүүгэдэй хоорой гала-тоглолто үнгэрхэ. Буряад ороноо түлөөлжэ ошоһон үхибүүдые Бүхэроссиин хоорой нэгэдэлэй манай можо нютагтахи таһагай түрүүлэгшэ Ольга Полякова ударидана.
Буряад Уласай соёлой яаманай мэдээсэлэй албанай гэрэл зураг