Тус арга хэмжээндэ хэншье ерэхэ аргатай гэжэ дуулгаха зуураа, һууха һууринууд үсөөн байха гэжэ тэмдэглэлтэй.
Комсомольск-на-Амуре хотын Амарай онгосо бүтээлгын заводто сентябриин 5-да «Ородой Холбооной Герой Алдар Цыденжапов» гэһэн далайн дүтын зооно харууһалха олон зорилгото онгосо (корвет) уһанда табигдахань.
Энэл үдэр, сентябриин 5-да, Хоца Намсараевай нэрэмжэтэ Буряад драмын академическэ театр тус үйлэ баярта ушарта дашарамдуулан тоглолто эмхидхэхэнь. Үдэшын 20.00 сагта эхилхэ “Алдар, хүн ба онгосо” гэһэн хүгжэм дуута тоглолто Буряад театрай урдахи талмай дээрэ болохо. Театрай түрүү артистнар “Алдар. 9 секундэ” гэһэн зүжэгһөө үзэгдэлнүүдые, хүгжэмтэ хэһэгүүдые дурадхаха. Тус тоглолтодо хэншье ерэжэ, түлөөһэгүйгөөр хараха аргатай гэжэ дуулгаха зуураа, һууха һууринууд тоотой гэжэ тэмдэглэхэ хэрэгтэй.
Буряад Уласай соёлой яаманай мэдээсэлэй албанай гэрэл зураг