Буряад Уласай Хүдөө ажахын болон эдеэ хоолой сайдай нэгэдэхи орлогшые томилхо тухай Буряад Уласай Засагай газарай Тогтоолдо сентябриин 5-да гар табигдаа. Булат Цыренжапов мүнөөдэрһөө, сентябриин 9-һөө уялгаяа дүүргэжэ эхилхэнь.
“Буряад Уласай гүрэнэй эрхэтэнэй албанай Буряад Уласай Хүдөө ажахын болон эдеэ хоолой сайдай нэгэдэхи орлогшо – Хүдөө ажахын эд бараа үйлэдбэрилгын болон болбосоруулгын хорооной түрүүлэгшын тушаалда Цыренжапов Булат Цыденовичые 2019 оной сентябриин 9-һөө зургаан һарын туршалгатай болзороор томилхо ба албанай хэлсээ баталха” гээд Буряад Уласай Засагай газарай Түрүүлэгшын орлогшо П.С. Мордовскойн гар табилгатай тогтоол соо хэлэгдэнэ.
Тобшо мэдээн:
Цыренжапов Булат Цыденович 1968 оной сентябриин 11-дэ Улаан-Үдэ хотодо түрэһэн.
1992 ондо Буряадай гүрэнэй Хүдөө ажахын дээдэ һургуули “Агрономи. Эрдэмтэ агроном” гэһэн мэргэжэлээр дүүргэһэн. 2016 ондо Ородой Холбоото Уласай Юрэнхылэгшын дэргэдэхи Арадай ажахын ба гүрэнэй албанай академи “Гүрэнэй ба муниципальна хүтэлбэри” гэһэн мэргэжэлээр түгэсхэжэ, диплом абаһан.
Ажалайнгаа намтар Загаһатын хонин үүлтэрэй совхоздо юрын ажалшанай, агроном-семеноводой тушаалнуудта хүдэлжэ эхилһэн. 1995 онһоо 2005 он болотор Буряад Уластахи Ургамал хиналтын гүрэнэй хилэ шадархи инспекциин агроном-инспекторээр хүдэлөө. 2009 онһоо 2015 он болотор Ветеринарна ба фитосанитарна хиналтын талаар Федеральна албанай Эрхүү можодохи ба Буряад Уластахи хэлтэсэй даргын орлогшын тушаал даажа ябаа.
Һамгатай, хоёр хүбүүтэй, басагатай.
Буряад Уласай Засагай газарай мэдээсэлэй албанай гэрэл зураг