664
Буряад Уласай Арадай Хуралай һунгамалнууд хуушарһан, аюултай болоһон гэрнүүдһээ ажаһуугшадые зөөлгэхэ талаар уласай бюджедтэ хубилалтануудые оруулба.
Тиигэжэ ажаһуугшадые зөөлгэхэ хэрэгтэ 2019 ондо һомологдохо мүнгэн 131,3 сая түхэригөөр дээшэлээ, 2020 ондо 105,0 сая түхэриг нэмэгдэхэ гэжэ Буряад Уласай Арадай Хуралай ээлжээтэ бэүэ сессидэ мүнгэн һангай сайд Всеволод Мухин хэлэбэ.
Гэр байрын ажахы һэльбэн хубилгаха талаар жасатай нэмэлтэ хэлсээнэй ёһоор, уласай бюджетһээ суг мүнгэ һомололгодо 4,3 сая түхэриг дахин хубаарилха талаар хуулиин түсэлдэ хараалагдаа. Буряад уласай аймагуудай газар дэбисхэрэй түсэблэлгын болон хото барилгын газарай хубаарилгын даснсануудта хубилалтануудые оруулха талаар мүнгэнэй гаргаша бага болгогдожо, энэ мүнгэн алмагдаа.
Буряад Уласай барилгын болон гэр байрын ажахы шэнэдхэлгын сайд Николай Рузавинай тэмдэглэһээр, хуушарһан, аюултай болоһон гэрнүүдһээ ажаһуугшадые зөөлгэхэ программа хоёр хубида хубаарилагдаа: 2019-2020 болон 2020-2021 онууд.
- 2019 ондо Улаан-Үдэ, Зэдэ, Захаамин, Байгал шадарай аймагуудта хуушарһан гэрнүүдһээ зөөлгэхэбди, - гэжэ сайд хэлэбэ.
Бүхыдөө энэ программа 2024 он болотор хараалагданхай. Нэн түрүүн 2017 оной январиин 1 болотор хуушарһан, аюултай болоһон гэрнүүд гэжэ бүридхэлдэ абтаһан гэрнүүдһээ ажаһуугшад зөөхэ юм.
