​​Нютаг нютагай үреэлнүүд

Буряад Уласай  нютаг нютагай үреэлнүүд онсо өөрын маягтай.  Хэдэн үреэлнүүдые уншагшадтаа дурадхахамнай.

Баргажан буряадуудай үреэл:

Орондоо бүхэли үдэрөө тарсайжа хэбтээгүй,

Ай, яахамнайб даа гэжэ шэбшээгүй,

Мүнөө, малгаадар гээгүй,

Тухагүй юумэеэ хээд,

Бэе бэе дээрээ хаялсаагүй,

Бэеэрээ хамжан ошоод,

Ангайс-тангайс гүйгөөгүй,

Аяагаа тараагүй,

Налайс бултуулаа юумээ хээд,

Бамбайс буузаа шанажа эдеэд,

Ябахатнай болтогой!

Захааминаархин иигэжэ үреэгээ:

Талаараа үдэhэн адуу малтнай

Тэhэ-биса таргалаг,

Мүндэйжэ ябаhан үри хүүгэдтнай

Мундуу лабхайн ургаг.

Наhа ехэтэн, үбгэд хүгшэдтнай

Налайн лутаар жаргаг!

Таряагаа түүжэ хабтайжа,

Мандиhаа суглуулжа мандайжа,

Замбаагаа эдижэ зарбайлдажа,

Мяха мүлжэхэ тэнхээтэй,

Һамараа сэмэжэ hархайлдажа

Ябахатнай болтогой!

Түнхэнэй залуушуулай үреэл:

Сагаалгамнай ерэжэ буужа,

Ехэ hайн hайхан сагаалжа,

Теэбеэ таабайгаа угтажа,

Һайн hайхан ябахабда гэжэ үреэе!

Шагаабараар харахада,

Пергон соо олон малнуудтай,

Подвал руу шагаахада,

Навалом яабалхатай,

Инчаа тынчаагуур нохой зангаар зайнгүй,

Үжээридэ дарагдашоод ябангай,

Хүн зангаар ябахатнай болтогой!

Зэдын буряадуудай үреэлнүүд:

Кредидтээ даруулчангүй,

Корей Солонгосоор зайнгүй,

Түрсэн нютагаа эрьеж,

Түрэл түтимөө мэдэлцэж,

Хармаандаа хангирха мүнгэтэй,

Хорчогонсоор мүндэлжэ байсан

Гахай жэлээ угтаял дээ.

Цадхалан, гүзээ дүүрэн,

Хорчогонжо, харчаганж,

Цэлцэгэр гүзээгээ наранда чараж,

Буянтай, жаргалтай

Аж суухатнай болтогой!

Сүлжээ холбооной оньһон үгэнүүд:

Буряад мэхэтэй,

Буузань нүхэтэй.

***

Ород мэхэгүй,

Пельмениинь нүхэгүй.

***

Үбгэнэй муу – зайран,

Һамганай муу – һалан.

***

Сагай муу – зуд,

Наһанай муу – зүнтэг.

Анна Огороднигой гэрэл зураг