​​Буряад уласта сомон дарганар һунгагдаа

Баргажан аймагта һунгамалнуудай зүблэлэй 11 депутат һунгагдаба. Шэнээр һунгагдаһан депутадууд Баргажан аймагай засаг даргые һунгаха болоно. Мүнөө дээрэ Баргажан аймагай засаг даргын тушаалда 5 кандидат бүридхэлдэ абтаһан. Тэдээн сооһоо Баргажан-Адаг сомоной засаг дарга Михаил Муширинай программа эгээл һайн гэжэ тоологдоно. Буряад Уласай Толгойлогшо Алексей Цыденов Михаил Мушириниие дэмжэжэ байһанаа мэдүүлһэн байна.

Хяагтада Һубагтын сомоной засаг даргаар Евгений Цыдыпылов, Ахада Һоёдой сомондо – Баир Дугаров, Хори сомондо – Чингис Базардараев, Түнхэндэ Хэрэн сомондо - Людмила Абдрахманова, Мухар-Шэбэрэй Суулга сомондо – Баир Бальжинимаев дарганар боложо һунгагдаба.

Анна Огороднигой гэрэл зураг