1117
Буряад Уласай Засагай газарай мэдээсэлэй албанай гэрэл зураг
Ойн түймэр сараха техникэ худалдан абалгын хоёрдохи шата “Ой модо хамгаалга” гэһэн федеральна түсэлэй хэмжээндэ Буряад Уласта 2020 оной эхиндэ гэжэ түсэблэгдэһэн байгаа. Зүгөөр Ородой холбоото Уласай ойн ажахыда мүнгэ уридшалан һомолхо тухай шиидхэбэри абтаһн байна. Буряад Уласай ойн ажахынуудта федеральна бюджедһээ 105 гаран сая түхэриг һомологдоо.
Һомологдоһон мүнгөөр 23 техникэ: вахтовигууд, бульдозернууд, ойн түймэрэй тракторнууд, трейлер ба тягачууд абтахаар хараалагдана.
Буряад Уласай Засагай газарай мэдээсэлэй албанай гэрэл зураг
Техникээр дуталдажа байһан Бэшүүрэй, Дээдэ-Баргажанай, Зэдын, Загарайн, Ивалгын, Сэлэнгын ба Хандагатайн ойн ажахынууд ба Үбэр Байгалай ойн авиационно хамгаалгын баазада шэнэ түмэр хүлэгүүд нэн түрүүн дамжуулагдаха. Мүнөө аукцион үнгэргэхын тула конкурсын бүхы хэрэгтэй бэшэг баримтануудые бэлдэгдэнэ.
Буряад Уласта “Ой модо хамгаалга” гэһэн федеральна түсэлэй хэмжээндэ шэнэ техникэ абалгын түрүүшын шата эсэстээ хүрэхэ дүтэлөө – ойн ажахынууд ойн түймэр сараха 33 техникэ абаа, 10 шагтагалха тоног түхеэрэмжэ ба парашютистнуудта тусхай түхеэрэмжэнүүдые худалдан абаа.
Буряад Уласай Засагай газарай мэдээсэлэй албанай гэрэл зураг
- Ой модоной түймэр унтараалгада техникэ шухала. Ойдо гараһан түймэр унтараалгада байгша ондо “Ой модо хамгаалга” гэһэн түсэлэй хэмжээндэ абтаһан шэнэ техникэ хэрэглэнэбди, - гэжэ Буряад Уласай Засагай газарай аюулгүйн асуудалаар түрүүлэгшын орлогшо Пётр Мордовской хэлээ.
Мүнөөдэрэй байдалаар, ойн түймэр түрүүшын үдэрнүүдтэ саралга 86% хүрэнэ.
Буряад Уласай Засагай газарай мэдээсэлэй албанай гэрэл зураг
Буряад Уласта “Ой модо хамгаалга” федеральна түсэл табан жэлдэ бэелүүлгэдэ 700 сая түхэригэй ой модоной түймэрэй техникэ ерэхэ.
Ородой Холбоото Уласай Юрэнхылэгшэ Владимир Путинай “майн” зарлигуудые бэелүүлгын хэмжээндэ 2024 он болотор хүсэндөө байха 12 үндэһэн түсэлнүүд баталагдаһан гэжэ һануулая.
