1519
Үнгэрһэн һуралсалай жэлэй дүнгүүдээр 9-дэхиин ба 11-дэхиин һүүлдэ гүрэнэй шалгалтануудые тушаагаагүй болон муугаар тушааһан һурагшад сентябриин 3-һаа 20 болотор хугасаада дахяад шалгалта барина.
215 хүн ЕГЭ тушааха: тоо бодолгоор – 171, ород хэлээр – 5. Тиихэдэ 9 хүн ГВЭ тушааха: тоо бодолгоор – 5, ород хэлээр – 4.
252 хүн ОГЭ тушааха. Тэдэнэй 125-иинь тоо бодолго, 88 - обществознани, 57 - географи, 54 - ород хэлэ, 40 – биологи; 28 - информатика ба ИКТ, 21 – хими, 7 – түүхэ, 6 – физикэ, 5 – англи хэлэ (бэшэмэлээр) ба 5 (аман хэлээр), 2 – уран зохёол тушааха.
Буряадай болбосоролой ба эрдэм ухаанай сайдай орлогшо Валерий Поздняковой хэлэһээр, саг соогоо шалгалта тушаагаагүй, муугаар тушааһан хүнүүдһээ гадна шалгалта тушааха гуримай хазагайруулагдаһанһаа боложо, дүнгүүдээ болюулһан хүнүүд мүнөө хабаадаха. Харин бараг сэгнэлтэнүүдээ дээшэлүүлхэ дуратайшуул сентябриин шалгалтада хабаадаха эрхэгүй.
