759
Сентябриин 20-31-нэй үдэрнүүдтэ «Байгалай сэбэр эрье» гэһэн марафон Байгалай байгаалиин дэбисхэртэ эмхидхэгдэхэ. “Россиин уһан” гэһэн уһа голнуудые ба тэдэнэй эрьенүүдые бог шоройһоо арилгаха талаар бүхэроссиин акциин хэмжээндэ тус ябуулга үнгэрхэ юм. Акцида 20 мянган хүн хабаадахаар хараалагдана.
Волонтёрнуудай арилгаха нэгэдэхи талмайнь Байгал шадархи аймагай Гремячинск һууринһаа 5 модоной зайда оршоно, хоёрдохинь – Котокель нуурай 2,5 модоной эрье болоно. Марафоной хэмжээндэ волонтёрнууд-эколядуудта бог хаядаһа илган суглууха талаар экоквест ба мастер-класс эмхидхэгдэхэ.
Буряад Уласай Засагай газарай Түрүүлэгшын орлогшо Баир Цыренов, Буряад Уластахи Енисейн бассейнэй уһанай хүтэлбэриин даргын орлогшо Валерий Молотов, Буряад Уласай байгаалиин нөөсын сайдай орлогшо Наталья Тумуреева, нютагай засагай байгууламжануудай засаг дарганар болон бусад хабаадаха экологиин акцида хабаадаха. Хэмжээ ябуулгын тусхай айлшаар найр наадануудые хүтэлэгшэ , блогер Станислав Ярушин бууха юм.
Сибириин федеральна тойрогһоо Буряад орондо экологиин энэ марафон дамжуулагдаа. Тэндэ эмхидхэгдэһэн хэмжээ ябуулгада 50 мянган волонтёрнууд хабаадажа, эхи абаһан үдэрөө нэгэ талмайһаа 1241 мэшээг бог суглуулһан байгаа.
- «Экологи» үндэһэн түсэлэй “Гайхамшаг уһа голнуудые хамгаалга” гэһэн тусхай программын хэмжээндэ эмхидхэгдэжэ байһан энэ акци ехэ удха шанартай. Эрхэтэдэй экологиин соёл дээшэлнэ, энэ талаар нютаг можонуудай засаг ба муниципалитедүүд нягта холбоотой ажал ябуулна, волонтернуудай экологиин хүдэлөөнүүд эршэтэй үргэдхэгдэнэ, - гэжэ Бүхэроссиин байгаали хамгаалгын ниигэмлигэй Түб хорооной экологиин түсэлнүүдэй хүтэлбэрилэгшэ Елена Шулепова тэмдэглээ.
Ородой Холбоото Уласай Хойто зүгэй, Сибириин ба Алас Дурнын үсөөн тоото үндэһэн арадуудай угсаатанай зүйн түбүүдэй ажал ябуулгын регион хоорондын XI харалганай хэмжээндэ Арадуудай зохёохы ажалай нааданда “Байгалай сэбэр эрье” гэһэн экомарафоной дүнгүүд согсологдохо юм.
