842
Сентябриин 25-да Буряад Уласай Засагай газарай Түрүүлэгшын орлогшо Игорь Зураев болон яамануудай хүтэлбэрилэгшэд Австриин бизнес-делегацитай уулзаха юм. Европын олзын хэрэг эрхилэгшэд үйлэдбэринүүдэйнгээ арга боломжонуудтай танилсуулжа, Буряад уласта бэелүүлэгдэжэ байһан түсэлнүүдтэ хабаадаха тухай зүбшэн хэлсэхэ.
Австриин 12 үйлэдбэринүүдэй түлөөлэгшэд Буряадтамнай морилхо. Тэдэнэр өөһэдынгөө ажалтай танилсуулжа, Буряад уласта мүнгэ хүрэнгэ оруулха арга боломжонуудтай баһал танилсаха юм. Удаань тус тустаа хубааран, уулзалганууд эмхидхэгдэхэ. Олзын хэрэг эрхилэгшэд уласай яамануудай түлөөлэгшэдтэй уулзажа, Буряадай дэбисхэртэ бэелүүлэгдэжэ байһан элүүрые хамгаалгын, хүдөө ажахын, харгы барилгын, уурхайда олзоборилгын түсэлнүүдтэ хабаадаха тухай хэлсэхэ юм.
Ородой Холбоото Уласта Австриин посольствын худалдаанай талаар зүблэгшэ, делегациин хүтэлбэрилэгшэ Рудольф Лукавскиин хэлэһээр, энэ хэмжээ ябуулгын ашаар, Буряад Австри уласууд саашадаа ажалаа суг аша үрэтэйгөөр ябуулха, бэхижззлхэ талаар талаар бата һуури боложо үгэхэ.
Тус хэмжээ ябуулгада хабаадаха, хаана эмхидхэхэ, саг болзор тухай Буряад уласай Худалдаа-үйлэдбэриин танхимай сайтда мэдэхэ аргатайт. Австриин олзын хэрэг эрхилэгшэд тухай тодорохойгоор https://www.advantageaustria.org/ru/events/2019_09_Wimi_Ferner_Osten_Ostsibirien.participants.ru.htm. гэһэн хаягаар мэдэхээр.
